Fauna Tanah dan Peranannya

SAJADAH KANGGO BAPAK

Panas menther-menther sing dirasakake , nalika dheweke mlaku ngubengi Stasiun Kediri karo nggawa kothak kang isine semir lan sikat. Senajan ngelak lan luwe, nanging dheweke ora mandhek ngiderake jasane, semir sepatu. Bocahe nduweni jeneng Dani.Wiwit isuk dheweke ngiderake jasane. Rasa ngelak, luwe, lan kesel kaya ngono kui diilangke saka pikirane. Dheweke nduweni tekad kang gedhe amarga dheweke nduweni niat nukoke sajadah lan peci kanggo bapake.

Ing gubuk kang kayak arep ambruk dheweke manggon. Dheweke wes ora nduweni ibu. Ibune Dani wes tilar donya. Dani urip karo bapake dheweke ora nduwe dulur opo tah kulawarga liyo. Iku sebabe dheweke sayang marang bapake.

Dani lungguh ing kelas 3 SMP. Dheweke sekolah ing SMP Nusa Bangsa kang cedek saka omahe. Dheweke kapingen ngekek i sajadah lan peci bapake amarga bapake Dani ora nduweni sajadah kanggo sholat ning omah. Iku alesane dheweke kerjo dadi tukang semir sepatu.

Awan iku Dani nawarake jasa ne marang wong kang ono ing stasiun Kediri nanging urung ono seng nganggo jasane. . “ semiiiir sepatu. Ayo ayo sepatu ne di semir “. Bengoke banter. Lagek mlaku pirang langkah, dheweke papasan karo wong kang pacakane klimis banget. Yen disawang saka pacakane, sajake wong iku wong kang dhuwur pangkate. “ le le reneo “ bengok e bapak iku marang Dani. “  inggih pak ?. bapak ajenge nyemiraken sepatu ?” pitakone dani marang bapake. “ iyo le semiren sepatuku iki tapi seng ngguilap yo” jaluke bapak iku marang Dani.

            Dani nyemir sepatune bapak iku nganti nggilap. Senajan Dani wes mari nyemir sepatu Dani balike sepatu iku menyang bapak kang pacakane klimis banget. “ pak niki sampun rampung sepatune jenengan “. Omonge Dani marang bapak iku lan ngelungne sepatune. Bapak iku njawab “ iyo le piro ? “  takoke lan mbuka dompete. “ sedoso pak. “. Bapake ngelungke dhuwit marang Dani nalika iku bapake iku ngaleh tanpa sadar yen dompete bapak kang jek tas nyemirake sepatu menyang Dani ceblok.Dani nemokake dompet kandel kang werna ne ireng. Dani ngira yen kui duweke bapak kae mau. Dani langsung mlayu nguber wong kui. “pak pak, nuwun sewu nggih. Niki wonten dompet e bapak, wau dhawah wonten mriku.” Dani nguwehake dompet marang bapake kui. Bapake banjur nerimo dompet saka Dani lan ndelok isine.

“wah iya le,, iki dompet ku. Bapak matur suwun banget marang sampeyan ya le. Iki dompet isine barang pentinge bapak kabeh. Matur suwun banget ya le” bapake ngelus-elus sirahe Dani.“inggih pak inggih, sami-sami. Wonten agami kan nggih sampun wonten, yen sesame manungsa kedah tulung-tinulung pak” Dani ngomong maneh karo mesem marang bapake.

“walah, isih ilik nanging kok wisp inter tenan to le sampeyan iku”. bapake ngomong banjur nyalami Dani. “oiyo le, jenengku pak Hari. Yen bapak oleh ngerti, sapa jenengmu le?”.“nami kula Dani pak”.Dani nyauri pak Hari karo nyalami pak Hari.

“oalah, Dani. Jenengmu apik le, kaya praupanmu kang uga apik ngene. Pekerti mu uga ketok apik le. Itung-itung iki bales budhine bapak marang sampeyan amarga wis mbalekake dompete bapak mau le ayo tak jak menyang mubeng-mubeng kutha iki le.” Ajake pak Hari menyang Dani.

“masyaallah mboten usah pak, kula wau ikhlas yen wangsulaken dompete. Mboten nuntut napa-napa saking bapak. Kula ikhlas pak, saestu.” .Dani ora gelem nrima ajakane bapak Hari amarga dheweke mikir yen dheweke kudu kerja gawe nukoke sajadah lan peci kanggo bapake. “ iyo to le anggepen iki rezeki saka Gusti Allah. “.  “matur suwun pak mboten pun kulo ajenge kerjo mawun pak. “. Jawabe Dani marang bapak Hari. Senajan Dani ora gelem nrima tawarane pak Hari, pak Hari nguwehake dhuwit seket ewu rupiah ana loro marang Dani. “  yowes lak awamu ora gelem le iki trimanen iki rezeki tekan Gusti Allah ojo ditolak. “ pak Hari ngomong marang Dani nalika iku pak Hari langsung ngaleh marani mobile.

Sawise kui Dani kepikiran tuku sajadah lan peci kanggo bapake langsung saiki, mumpung dheweke entuk rejeki awan iki mau. Nalika iku dhewe langsung golek toko sajadah. Dhewe tuku sajadah nalika iku dheweke balik menyang omahe. Sawise teko omah Dani ngekekake sajadah lan peci iku menyang bapake. Bapake Dani seneng banget amarga anake sing jek SMP iso nukoke sajadah marang bapake. Bapake Dani bangga nduwe anak kayak Dani amarga Dani anak kang sholeh lan bakti menyang wong tuwane.